Urdu Finest Gazzal/Poetry of Jaun Elia,"Jab terii jaan"

Jab terii jaan ho gayii hogi
Jaan hairaan ho gayii hogi

Shab thaa merii nigaah kaa bojh us par
Wo to halkaan ho gayii hogi

Uskii Khaatir hu’aa main  Khaar bahut
Wo merii aan ho gayi hogi

Ho ke dushvaar zindagii apni
Kitni aasaan ho gayii hogi

Be-gilaa hoan main ab bahut din se
Wo parishaan ho gayi hogi

Ek haveli thii dil muhalle main
Ab vo viiraan ho gayi hogi

Uske kuuche main aayii thi Shireen
Uski darbaan ho gayi hogi

Kamsini main bahut shariir thi vo
Ab to shaitaan ho gayi hogi