Sad Urdu Ghazal Titled "Chuka Hai" In Urdu Poetry.

Here you can find huge collection of Urdu Ghazals both sad & Romantic.
---------------------------------------------------------------------
Os ka be gham buhat ab ma'doom ho chuka hai
Woh khush hai kho k ham ko, maloom ho chuka hai

Har soch main woh meri kuch aisay bas gia hai
Har fail maira iss say mo'soom ho chuka hai

Kia baat ho gyi hai badil nahi barasta
Woh haal par tho mairay maghmoom ho chuka hai

Rehta hai woh nazar main chahay kahi be jaiy
Ankho'n main aik chehra marqoom ho chuka hai

Ik baar loag phir say deewanay ho rahay hai
Kehtay hai woh dobara maa'soom ho chuka hai

Har shakhs keh raha hai maira udaas chehra
Oss bewafa k gham ka mafhoom ho chuka hai

Jo zindagi k saaray dukh dard bant'ta tha
Os saiy say Saffi ab mehroom ho chuka hai