Ishq k sehra may ik lamba safar karna para
Aansoun say khusk honton ko be tar karna para
La ta'aluq ham guzar jatay thay jis deewar say
Ab issi deewar k saiy ko ghar karna para
Aik mushkil thi k sab k samnay kaisay milain
Jo tha rishta khoon ka sarf ay nazar karna para
Apnay sab ahwaal ki iss thak rasai k liay
Khud ko har ik roz naamay ki khabar karna para
Bay khabar thay sab k sab rangeenion ki moj may
Aik ham ko imtiaz khair o shar karna para
--------------------------------------------------
Best Selection ! Urdu Ghazal Shayari - Saat Rehtay Ho Magar Saat Nahi Rehtay Ho
No comments:
Post a Comment